أقل ما اقول عنها أنها ستقتل نصف أعضاء هذا المنتدى من الضحك

واحد لعروبي مشا هو وصاحبتو لقهوة المهم جلسو هو يجي عندهوم لجارسون . قال
لجارسون لصاحبتو اش تشربي اختي قالت ليه با زونكور(pas encore) او قال
لعروبي او نتا اخويا قاليه لعروبي حتى انا شي بازونكور يكون باااااارد.

-واحد ولدات ليه مرتو وليد قاليها نسميوه احمد قالت ليها لا نسميوه جواد
او بقاو تيتخاصمو علا اسم هو يقول عرفتي اش ديري . نخرجو لزنقة او لي
لقيناه نقولو ليه يسميه لينا .هما يخرجو مع 2 ديال ليل هما يتلاقاو مع
واحد سكرااااااان قالو ليه عفاك سمي لينا هاد دري هو يهرس ليه رجليه او
قاليهم سميوه عريجا

- واحد عندو نعجة مريييييييييييييضة او ولدها صغيير داهم لسوق بغا يبيعهم
.لمهم باع ولدها او متباعتش ليه هي او منين كان مرجعها لدار قالت ليه تا
عطيني فلوس ولدي عندوز بيهوم عند طبيب

- فقديييم كانو ناس تيتراسلو بالحمام تيكتبو شي رسالة او تيديروها لحمامة
فرجليها . واحد نهار واحد صيفت لصاحبو واحد لحمامة بلا رسالة هو يصيفت ليه
صاحبو رسالة قاليه مالك صيفتي ليا لحمامة خاوية قاليه راه غير ببيت عليك
.نهار لخور عاود صيفتها ليه بلا رسالة هو يقبطها صاحبو دبحها او شواها هو
يصيفت له حمامة اخرى فيها رسالة قاليه مالك ما رجعتي ليا حمامتي قاليه راه
شدتها لبوات فكال(boite vocale)

- واحد طلاب طلع لطوبيس او بقا تايقول شي صدقة ع الله .حتى واحد ما عطاه
هو يقول سيرو الله يجعلكم من الذين كفرو هو يقول ليه واحد هاك اشريف هو
يشد من عندو او قال ليه سير ا ولدي الله يجعلك من الذين امنو .شاف فديه
لقاه غير ريال هو يقول ليه ثم كفرو

- واحد الطلاب (سعاي)تايطلب غير بالقل(بلا ما يبين بانه طلاب)
ضااااااارو جوع بانت ليه واحد لمرا فوق سطاح هو يقول ليها عفاك اللا شي
نفتحة(ابرة ديال لخياطة) قالت ليه واخا ولكن راه الا لحتها ليك غتوضر
قاليها لما ديريها فشي رغيفا

.

مشكور على النكت أخي

بازونكور للي واعرة

مشكور اخي